حَبيبيْ كلْ مآْ فِينيْ يذوبْ ب مِلحْ هَمسآتِكْ ..!

حبيبي كل مافيني .... يذوب بملح همساتك

حبيبي كل احاسيسي ... يعشقونك يعشقونك
مشاعر شاعري تطرب لمزحاتك وغمزتاك
وتطرب يا بعد شعري عيون حيل يغلونك




حبيبي طالبك تكفى ... ابيك بكل لذاتك
ابي اكون جنبك مثل ظلك ... ولا ابي شي من دونك

ابسهر في وسط عينك ... وابشرب كاس نظراتك
وإلى مني بغيت النوم ... ابي انام بعيونك

وابي اصحى بكلمه ... صباح الخير بشفاهك

وابي فنجال حبك ... والغلا تمده جفونك
وابي اهيم بك لامن ... نثرت عطور كلماتك
واعيش مقابلك دنيا ... ينورها قمر" لونك "

وابي فنك وابي سحرك ... وابي جذاب بسماتك

ابسأل : وش كثر حبي ... وابي منك اجاباتك

وابيك تجاوب بضحكه ... معاها هزه متونك




عشقت الدمع باحزانك
عشقتك عند ضحكاتك
عشقت اهلك على شانك
عشقت اللي يعرفونك




اخاف الناس يا عمري ... يصيبونك يحسدونك
تعال واطلب الغالي ... تعال وهات رغباتك

فداك اللي يبي قلبك .... أنا صرت مجنوووووونك

واذا ودك أأكد لك ... تعال وشوف مساحاتك
وسط الخافق اللي لك ... حلف لا يمكن يخونك

لك الله صورتك عنــدي ... تذكرني بجلساتك




تذكرني وأقول :




وشلون اعيش اوقاتي بدونك ؟!




تصدق ؟ يا حياتي لا تذكرت اتصالاتك
اقوم واتصل واطلب عسى يفتح تليفونك
لانك كل ما تبطي احن لصوت نبراتك




عسى الله لا يخليني بعيد




واعطش دوم لمزونك




وعساني ما نحرم منك ولا من كل غمزآتك




لان عيوني الثنتين
يحبوووووونك .. يحبوووووونك